សេវាកម្មប្តូររូបិយប័ណ្ណបរទេស - ផលិតផល និងសេវាកម្ម

សេវាកម្មប្តូររូបិយប័ណ្ណបរទេស

សេវាកម្មប្តូររូបិយប័ណ្ណបរទេស ជួយលោកអ្នកឲ្យទិញ ឬលក់រូបិយប័ណ្ណបរទេសធៀបនឹងដុល្លារ ឬរូបិយប័ណ្ណបរទេសមួយទៀត។

សេវាកម្មប្តូររូបិយប័ណ្ណបរទេសរបស់យើងខ្ញុំ មានភាពសាមញ្ញ និងងាយស្រួលហើយផ្តល់ជម្រើសជារូបិយប័ណ្ណផ្សេងទៀត។

នៅក្នុងពិភពលោកដែលមានការប្រកួតប្រជែង ការប្រើប្រាស់រូបិយប័ណ្ណតែមួយ ក្រុមហ៊ុនអាចប្រឈមមុខនឹងហានិភ័យ។ ជម្រើសរូបិយវត្ថុ ជួយលោកអ្នកនិងអាជីវកម្មឲ្យទទួលផលប្រយោជន៍ពេលខាងមុខ ពីការប្រើប្រាស់ការប្តូររូបិយប័ណ្ណបរទេស។ ជម្រើសរូបិយប័ណ្ណដែលមានការគ្រប់គ្រង និងពិចារណាបានល្អ មានសក្តានុពលកាត់ បន្ថយការចំណាយ និងទទួលផលប្រយោជន៍ អំពីចលនាអត្រាប្តូរប្រាក់បរទេស។

ធនាគារ ANZ Royal  មានសមត្ថភាពអាចជួយលោកអ្នកនៅទីនេះ ។

លក្ខណៈពិសេស

ផ្តល់ឱកាសដល់លោកអ្នក

• ផលប្រយោជន៍ពីការចំណាយ ឬវិក្កយបត្រមិនប្រើប្រាក់ដុល្លារអាមេរិក ដែលភាគីដទៃទៀត នៅក្នុងប្រទេសមួយ ដែលមិនប្រើដុល្លារអាមេរិក ធ្វើជារូបិយប័ណ្ណជាតិរបស់គេ។ រូបិយប័ណ្ណដែលជារូបិយប័ណ្ណមានសំខាន់ៗ រួមមាន ប្រាក់អឺរ៉ូ ផោនអង់គ្លេស យ៉េនជប៉ុន ដុល្លារសិង្ហបុរី ដុល្លារអូស្ត្រាលី និងដុល្លារញូវហ្សេឡិន។ ដោយរក្សាជម្រើសរូបិយប័ណ្ណទាំងនេះ លោកអ្នកនឹងទទួលបានប្រយោជន៍នៅពេល ដែលអត្រាប្តូរប្រាក់ អំណោយផល។

ការប្រើប្រាស់

• អាចប្រើដើម្បីទូទាត់ ឬស្នើសុំឲ្យគិតប្រាក់ជារូបិយប័ណ្ណដែលលោកអ្នកជ្រើសរើស ជាពិសេសនៅពេលដែលលោកអ្នកត្រូវការរូបិយប័ណ្ណ បរទេសជាក់ស្តែង ឬនៅពេលមានអត្រាប្តូរប្រាក់គួរឲ្យទាក់ទាញចំពោះរូបិយប័ណ្ណសំខាន់ណាមួយ។
• ជួយសម្រួលលដល់មុខជំនួញ ការវិនិយោគ និងបំពេញភារកិច្ចផ្សេងទៀត។
• សម្រាប់អាជីវកម្ម វាជួយលោកអ្នករកឃើញ គ្រប់គ្រង និងសម្រាលគ្រោះ ថ្នាក់នៃការប្តូររូបិយប័ណ្ណរបស់លោកអ្នក។

អាចរកបាន

• នៅគ្រប់រូបិយប័ណ្ណសំខាន់ៗដែលមាននៅក្នុងសេវាកម្មប្តូររូបិយប័ណ្ណបរទេស

ប្រភេទនៃសេវាកម្មប្តូររូបិយប័ណ្ណបរទេស

• តម្លៃថ្ងៃតែមួយៈ ជួយលោកអ្នកឲ្យលក់ឬទិញរូបិយប័ណ្ណបរទេសក្នុងតម្លៃថ្ងៃនេះ ដើម្បីឆ្លើយតបតម្រូវការរបស់លោកអ្នកភ្លាមៗ ។
• កិច្ចសន្យាអត្រាប្តូរប្រាក់ៈ ផ្តល់ឲ្យលោកអ្នកនូវអត្រាប្តូរប្រាក់ថ្ងៃនេះសម្រាប់ទំនិញ និងសេវាដែលលោកអ្នកដាក់ផែនការប្រើនៅពេល អនាគត។ ជួយលោកអ្នកកំណត់ថ្លៃទុកជាមុន។ បង្កើតភាពបត់បែន ដោយហេតុថាកិច្ចសន្យាអាចត្រូវពង្រីកកាលកំណត់ផ្តល់ទំនិញ ឲ្យមុនកំណត់ ឬផ្អាកនៅពេលណាដែលលោកអ្នកចង់បាន។
• អាស្រ័យលើការវាយតំលៃឥណទានរបស់ធនាគារៈ កិច្ចសន្យាអត្រាប្តូរប្រាក់ មានន័យថា លោកអ្នកមិនចាំបាច់ធ្វើការទូទាត់រហូតដល់ កាលបរិច្ឆេទអនាគត ដែលលោកអ្នកបានសុំចំពោះការទទួលនៃការប្តូររូបិយប័ណ្ណបរទេស ។
• ពេលជាមួយគ្នានេះ អត្រាប្តូររូបិយប័ណ្ណបរទេសរបស់លោកអ្នកនៅថេរ ។

ពេលវេលា និងការទុកចិត្ត

• ធនាគារ ANZ មានតំណាងនៅក្នុងប្រទេសជាច្រើនក្នុងអាស៊ី និងពិភពលោក។ នេះមានន័យថា លោកអ្នកអាចជឿជាក់លើធនាគារ ANZ Royal នៅក្នុងប្រទេសកម្ពុជា ដើម្បីធានាថាប្រាក់ចំណាយ និងប្រាក់ចំណូលពីការប្តូររូបិយប័ណ្ណបរទេសនឹងមិនត្រូវពន្យារពេល ហើយនឹងតែង តែបានទៅដល់លោកអ្នកដែលត្រូវទទួលផលប្រយោជន៍។

គណនីប្តូររូបិយប័ណ្ណបរទេស

• ជួយលោកអ្នកកាត់បន្ថយការផ្តេកផ្តួលលើប្រាក់ដុល្លារអាមេរិក ដោយរក្សា ទុកផ្នែកខ្លះជាប្រាក់សន្សំ ឬប្រាក់ទុនជារូបិយប័ណ្ណសំខាន់ណា មួយទៀត។ ការប្តូររូបិយប័ណ្ណ គឺជាគន្លឹះ ដែលផ្តល់ឲ្យលោកអ្នកនូវឱកាសប្រើប្រាស់គណនី រូបិយប័ណ្ណបរទេស។

បើលោកអ្នកជាអ្នកនាំចូល

• លោកអ្នកអាចដាក់ផែនការទូទាត់នាពេលអនាគត ហើយស្នើសុំឲ្យចេញវិក្កយប្រ័តជាដុល្លារអាមេរិក និងជារូបិយប័ណ្ណក្នុងស្រុករបស់ដៃគូ។ នេះជាសក្តានុពលសម្រាប់ការសន្សំរបស់លោកអ្នក ដែលមិនអាចធ្វើដូច្នេះបើសិនពឹងតែ ទៅលើរូបិយប័ណ្ណដុល្លារអាមេរិក។ សេវាកម្មយើងខ្ញុំ អាចផ្តល់ជូនលោកអ្នកប្រាក់ចំណាយដែលគណនាទុកមុនសម្រាប់ទំនិញនាំចូល ជាពិសេសមិនចាំបាច់ប្រើប្រាក់កាសរបស់លោកអ្នក ដោយសារថា លោកអ្នកនឹងធ្វើការចំណាយសងនៅពេលអនាគត ។

បើលោកអ្នកជាអ្នកនាំចេញ

• យើងខ្ញុំផ្តល់ឲ្យនូវឱកាសជៀសវាងពីរូបិយប័ណ្ណដុល្លារអាមេរិក ដោយផ្នែក ឬទាំងស្រុង ហើយបង្កើតការសន្សំ នៅពេលដែលអត្រាប្តូរប្រាក់ អំណោយផលល្អ។
• តាមរយៈបណ្ដាញប្រចាំតំបន់ និងពិភពលោក ធនាគារ ANZ Royal   មានការរៀបចំបានល្អ ដើម្បីផ្តល់ឲ្យអតិថិជនម្នាក់ៗ និងអាជីវកម្ម នូវជម្រើសប្តូររូបិយប័ណ្ណបរទេស និងដំណោះស្រាយដែលបង្កើតប្រាក់ចំណេញសម្រាប់ លោកអ្នក។

 

• របាយការណ៍ឯកជន និងសុវត្ថិភាព
• ល័ក្ខខ័ណ្ឌក្នុងការប្រើប្រាស់គេហទំព័រ
• បណ្ដាញផែនទី

© រក្សាសិទ្ឋិគ្រប់យ៉ាងដោយធនាគារ Australia and New Zealand Banking Group Limited (ANZ) 2009 ABN 11 005 357 522. ។ ពណ៌ខៀវរបស់ធនាគារ ANZ គឺជាពាណិជ្ផសញ្ញា របស់ធនាគារ ANZ ។
អត្ថន័យក្នុងទំព័រនេះត្រូវបានបកប្រែពីគេហទំព័រជាភាសារអង់គេ្លស ក្នុងករណីដែលមិនមានភាពដូចគ្នា ​ឬ​មិនស្របគ្នាណាមួយ ខ្លឹមសាក្នុងភាសារអង់គេ្លសត្រូវរក្សាប្រើជាផ្លូវការ