ក្នុងនាមជាអតិថិជន លោកអ្នកគឺជាគោលដៅសម្រាប់សកម្មភាពក្លែងបន្លំ នានា។ ទោះយ៉ាងណាក៏ដោយ ការការពារខ្លួនលោកអ្នកជាមួយព័ត៌មាន និង ឧបករណ៍នានា លោកអ្នកអាចរួចផុតពីការក្លាយខ្លួនជាជនរងគ្រោះ ដោយសារការក្លែងបន្លំ។

ការក្លែងបន្លំធំៗដែលលោកអ្នកអាចជួបប្រទះ

• ការលួចបន្លំតាមប្រព័ន្ធអេឡិចត្រូនិក
• ការលួចបន្លំអត្តសញ្ញាណសម្គាល់ខ្លួន
• ការលួចបន្លំកាតឥណពន្ធ/កាតឥណទាន
• ការលួចបន្លំមូលប្បទានប័ត្រ

ការលួចបន្លំតាមប្រព័ន្ធអេឡិចត្រូនិក

អ៊ីម៉ែលប្រើល្បិចលួចបន្លំប្រាក់ និងគេហទំព័រក្លែងក្លាយ

អ្នកប្រើប្រាស់អ៊ីនធើណែតមួយចំនួនបានទទួលអ៊ីម៉ែលដែលអះអាងថាផ្ញើមកពីស្ថាប័នហិរញ្ញវត្ថុ ឬស្ថាប័នស្របច្បាប់ផ្សេងទៀត។

អ៊ីម៉ែលខ្លះបានបញ្ជាក់ប្រាប់អ្នកទទួលថាលេខសម្ងាត់ និងប្រព័ន្ធការពារ សុវត្ថិភាពរបស់គាត់ត្រូវធ្វើទំនើបកម្មដោយត្រូវចូលទៅក្នុងគេហទំព័រ ជាក់លាក់មួយ តែតាមពិតជាគេហទំព័រក្លែងក្លាយ។ គោលបំណងនៃ គេហទំព័រទាំងនេះគឺដើម្បីលួចយកទិន្នន័យចូលប្រើគណនីធនាគារតាមប្រព័ន្ធអ៊ីនធើណែត របស់លោកអ្នក ដូចជា លេខកូដសម្ងាត់ លេខចុះឈ្មោះអតិថិជន លេខសម្ងាត់។

អ៊ីម៉ែលផ្សេងទៀតអាចមានសារអំពីសុវត្ថិភាព ឬឯកសារភ្ជាប់ណាមួយ ដើម្បីឱ្យលោកអ្នកទាញយក។ ប្រសិនបើអ៊ីម៉ែលផ្ញើមកពីប្រភពដែលលោកអ្នក មិនស្គាល់ច្បាស់ ឬក៏ប្រសិនបើលោកអ្នកមានការសង្ស័យ សូមលុបចោលជាបន្ទាន់។ មិនត្រូវបើកឯកសារភ្ជាប់ ឬក៏បញ្ចូលកម្មវិធីណាមួយដែលបាន ផ្ញើមកឡើយ។
ដើម្បីប្រាកដថាលោកអ្នកតែងតែពិនិត្យមើល និងធ្វើប្រតិបត្តិការនៅលើ គេហទំព័រ ANZ Royal ដែលត្រឹមត្រូវតាមច្បាប់ សូមចូលប្រើប្រាស់សេវាកម្ម ធនាគារតាមប្រព័ន្ធអ៊ីនធើណែតរបស់ធនាគារ ANZ Royal ដោយវាយ “anzroyal.com” នៅក្នុង ប្រអប់អាសយដ្ឋានឱ្យបានត្រឹមត្រូវ។ មិនត្រូវចុចភ្ជាប់សេវាកម្មធនាគារតាមប្រព័ន្ធ អ៊ីនធើណែតពីអាសយដ្ឋានដែលមាននៅក្នុងអ៊ីម៉ែលឡើយ។

ប្រសិនបើលោកអ្នកមានបញ្ហាណាមួយ សូមទាក់ទងមកមណ្ឌលគាំទ្រសេវាកម្ម ធនាគារតាមប្រព័ន្ធអ៊ីនធើណែតនៅក្នុងប្រទេសរបស់លោកអ្នក (ភ្ជាប់មកទំព័រ ទំនាក់ទំនងមកយើងខ្ញុំ)។

នេះគ្រាន់តែជាឧទាហរណ៍ប៉ុណ្ណោះ មាតិកា និងទ្រង់ទ្រាយនៃអ៊ីម៉ែលអាចផ្លាស់ប្តូរ។

ត្រឡប់ទៅផែ្នកខាងលើ

ការងារបោកបញ្ឆោតលួចប្រាក់

ធនាគារ ANZ Royal ជូនដំណឹងចំពោះអតិថិជន និងសាធារណជនទាំងអស់ឱ្យ មានការប្រយ័ត្នប្រយែងចំពោះការងារបោកបញ្ឆោតលួចប្រាក់នានាដែលមាន ផ្សាយតាមអ៊ីនធើណែត។

ក្រុមហ៊ុនបរទេសក្លែងក្លាយជាច្រើនបានទាក់ទាញជនរងគ្រោះមិនឱ្យដឹងខ្លួនជាមុនដោយឱ្យធ្វើជា “ភ្នាក់ងារផ្ទេរប្រាក់” ក្នុងការលក់ទំនិញ និង សេវាកម្ម តាមវិធីផ្សេងៗដូចជា ការផ្សាយដំណឹងជ្រើសរើសបុគ្គលិក អ៊ីម៉ែលវិភាគទាន និងបណ្តាញជជែកតាមអ៊ីនធើណែត។

“បុគ្គលិកដែលចង់ធ្វើការងារនេះ” ត្រូវបានស្នើសុំឱ្យប្រើគណនីផ្ទាល់ខ្លួន ដើម្បីធ្វើការផ្ទេរប្រាក់ទៅបរទេស។ ក្នុងករណីភាគច្រើន ជនរងគ្រោះត្រូវ បានណែនាំឱ្យផ្ញើប្រាក់ទាំងនោះទៅបរទេស ដោយសន្យាផ្តល់ជាកម្រៃ ជើងសារជាភាគរយនៃការផ្ទេរប្រាក់។

គេហទំព័រផ្សាយដំណឹងជ្រើសរើសបុគ្គលិកមើលទៅមានលក្ខណៈវិជ្ជាជីវៈ និងគួរឱ្យជឿទុកចិត្ត។ សូមចំណាំថាការផ្សាយដំណឹងជ្រើសរើសបុគ្គលិក មានមេរោគ trojan horses ដែលធ្វើឱ្យអ្នកផ្សាយដំណឹងការងារនោះអាច ទាញយកព័ត៌មានផ្ទាល់ខ្លួននៅក្នុងកុំព្យូទ័ររបស់លោកអ្នករួមទាំងព័ត៌មាន គណនីធនាគារផងដែរ។ សូមប្រុងប្រយ័ត្នប្រសិនបើលោកអ្នកទទួលអ៊ីម៉ែល ណាមួយពីបុគ្គលណាម្នាក់ ឬក្រុមហ៊ុនណាមួយដែលស្នើសុំព័ត៌មានផ្ទាល់ខ្លួន និងព័ត៌មានប្រតិបត្តិការធនាគាររបស់លោកអ្នក។

ប្រសិនបើវាមើលទៅល្អពេកប៉ុន្តែប្រហែលជាយើងមិនអាចជឿជាក់បានទេ។

ត្រឡប់ទៅផែ្នកខាងលើ

ការលួចបន្លំតាមប្រព័ន្ធអេឡិចត្រូនិក

ការលួចបន្លំតាមប្រព័ន្ធអេឡិចត្រូនិកគឺជាស្ថាប័ន ឬបុគ្គលមិនស្មោះត្រង់ដែល ប្រមូលព័ត៌មានផ្ទាល់ខ្លួនរបស់លោកអ្នកដើម្បីកេងចំណេញផ្នែកហិរញ្ញវត្ថុ និង ផលប្រយោជន៍ផ្សេងទៀត ដោយធ្វើឱ្យម្ចាស់អត្តសញ្ញាណនោះជាប់បំណុល យ៉ាងច្រើន មានប្រវត្តិឥណទានមិនល្អ និងក្នុងករណីខ្លះមានការប្រឈមមុខ នឹងច្បាប់ទៀតផង។

ព័ត៌មានរបស់លោកអ្នកអាចត្រូវបានគេលួចបន្លំតាមវិធីផ្សេងៗ ៖

• ការលួចយក ដោយរួមទាំងការលួចអ៊ីម៉ែលពីប្រអប់អ៊ីម៉ែលនៅផ្ទះ។
• ចូលទៅក្នុងធុងសំរាមរបស់លោកអ្នក។
• ទូរស័ព្ទមកដោយប្រើការបន្លំដើម្បីយកព័ត៌មានលម្អិតរបស់លោកអ្នក។
• អ៊ីនធើណែត

ខាងក្រោមនេះត្រូវបានចាត់ទុកថាជាទិន្នន័យអត្តសញ្ញាណរបស់លោកអ្នកៈ

• ថ្ងៃខែឆ្នាំកំណើត
• វិក្កយបត្រប្រើប្រាស់នានា (ទូរស័ព្ទ ហ្គាស ទឹក និងអត្រាពន្ធដារ)។
• អាសយដ្ឋាន

វិធីដែលលោកអ្នកអាចការពារអត្តសញ្ញាណរបស់លោកអ្នក ៖

• ត្រូវរាយការណ៍ជាបន្ទាន់អំពីការបាត់បង់ ឬការលួចឯកសារណាមួយដូចជា ប័ណ្ណបើកបរ កាតឥណទាន ឬលិខិតឆ្លងដែន។
• ត្រូវរក្សាកំណត់ត្រាពន្ធដារ និងឯកសារហិរញ្ញវត្ថុផ្សេងៗនៅកន្លែងមាន សុវត្ថិភាព។
• ត្រូវលុបចោលគណនីដែលមិនប្រើប្រាស់ ឬគ្មានសកម្មភាពទាំងអស់ ដែលលោកអ្នកមាន។

• ត្រូវប្រាកដថាប្រអប់សំបុត្ររបស់លោកអ្នកមានសុវត្ថិភាពដោយមានសោ ការពារត្រឹមត្រូវ។

  ត្រឡប់ទៅផែ្នកខាងលើ

ការលួចបន្លំកាតឥណទាន/ឥណពន្ធ 

មានវិធីជាច្រើនដែលការលួចបន្លំអាចកើតចំពោះគណនីកាតឥណទាន ឬឥណពន្ធ។

“Skimming” គឺជាបច្ចេកទេសលួចយកព័ត៌មានដែលផ្ទុកនៅខ្សែឆ្នូត ម៉ាញេទិកនៅពេលកាតរបស់លោកអ្នកត្រូវបានឆូតក្នុងពេលធ្វើប្រតិបត្តិការ ទិញទំនិញ។ ព័ត៌មានដែលលួចយកពីកាតរបស់លោកអ្នកអាចត្រូវបានគេប្រើ ដើម្បីផលិតកាតថ្មីមួយទៀត។ កាតថ្មីក្លែងក្លាយនេះអាចត្រូវបានគេប្រើដើម្បី ទិញទំនិញដោយប្រើបណ្តាញឥណទានរបស់លោកអ្នក។

ភ្នាក់ងារពាណិជ្ជករដែលមិនស្មោះត្រង់អាចមិនគ្រាន់តែលួចទិន្នន័យកាតរបស់ លោកអ្នកទេ ប៉ុន្តែថែមទាំងធ្វើប្រតិបត្តិការដែលមិនមានការអនុញ្ញាត ដោយប្រើព័ត៌មានកាតរបស់លោកអ្នកទៀត។

កាតអាចបាត់បង់ ឬមានគេលួចក្នុងពេលបញ្ជូនមកផ្ទះរបស់លោកអ្នក។ ដើម្បីការពារសុវត្ថិភាព លោកអ្នកនឹងត្រូវទទួលកាតធនាគារ ANZ Royal របស់ លោកអ្នក និងលេខកូដសម្ងាត់របស់លោកអ្នកដាច់ដោយឡែកពីគ្នា។ លោកអ្នកអាចទទួលបានតែមួយក្នុងចំណោមពីរនេះ ហើយមួយផ្សេងទៀត ដែលនៅសល់ លោកអ្នកត្រូវមកទទួលយកនៅសាខាក្នុងស្រុក របស់លោកអ្នក។

ការលួចបន្លំកាតឥណទាន ឬកាតឥណពន្ធអាចកើតមានផងដែរនៅពេល កាតរបស់លោកអ្នកបាត់បង់ ឬចោរលួច និងត្រូវបានប្រើប្រាស់ដោយភាគី ទីបីក្នុងការទិញទំនិញ ឬដកសាច់ប្រាក់តាមរយៈកាត។ ពិតជាសំខាន់ណាស់ ដែលលោកអ្នកត្រូវរាយការណ៍ជាបន្ទាន់មកធនាគារ ANZ Royal អំពីកាតដែលបានបាត់បង់ ឬលួចបន្លំ ដូច្នេះលោកអ្នកនឹងត្រូវបានផ្តល់ជូនលេខកាតថ្មី។

ការការពារកាតឥណទាន/ឥណពន្ធរបស់លោកអ្នក

• ត្រូវចាំលេខកូដសម្ងាត់ផ្ទាល់ខ្លួនរបស់លោកអ្នក។ មិនត្រូវប្រើលេខកូដ សម្ងាត់តែមួយដូចគ្នាសម្រាប់គ្រប់កាតទាំងអស់របស់លោកអ្នកឡើយ ហើយ មិនត្រូវប្រើថ្ងៃខែឆ្នាំកំណើតរបស់លោកអ្នក ឬលេខណាមួយដែលងាយស្រួល កំណត់អត្តសញ្ញាណរបស់លោកអ្នកឡើយ។
• ប្រសិនបើលោកអ្នកមានការសង្ស័យណាមួយទាក់ទងនឹងវិក្កយបត្រ សូមពិនិត្យមើលរបាយការណ៍ និងទូរស័ព្ទមកអ្នកចេញកាតជាបន្ទាន់។
• មិនត្រូវទុកកាតឥណទានលោកអ្នកចោលផុតពីភ្នែករបស់លោកអ្នកឡើយ។
• ការលួចបន្លំកាតអាចកើតមានឡើងគ្រប់ទីកន្លែងនៅក្នុងពិភពលោក ត្រូវប្រុងប្រយ័ត្ននៅពេលធ្វើដំណើរទៅបរទេស។
• ត្រូវចុះហត្ថលេខាលើកាតរបស់លោកអ្នកជាបន្ទាន់នៅពេលលោកអ្នកទទួល បានកាតភ្លាម។
• ត្រូវផ្ទៀងផ្ទាត់ពេលវេលាដែលកាតថ្មីគួរតែត្រូវបានគេបញ្ជូនមក។ ត្រូវទូរស័ព្ទ មកអ្នកចេញកាតភ្លាមៗប្រសិនបើកាតមិនបញ្ជូនមកទាន់ពេលវេលា។
• ត្រូវប្រាកដថាប្រអប់សំបុត្ររបស់លោកអ្នកមានសុវត្ថិភាព ហើយមានតែ លោកអ្នក និងអ្នករត់សំបុត្រតែប៉ុណ្ណោះដែលអាចមកកាន់ប្រអប់សំបុត្រនេះ។
• ត្រូវកម្ទេចវិក្កយបត្រកាតឥណទាន និងឯកសារមុនអនុម័តយល់ព្រមផ្តល់ កាតឥណទាន។
• នៅពេលលោកអ្នកប្រើកាតឥណទានតាមអ៊ីនធើណែត ត្រូវប្រាកដថា លោកអ្នកពិតជាបានប្រើប្រាស់គេហទំព័រដែលមានសុវត្ថិភាព។ សូមរកមើល សញ្ញាកូនសោរនៅជ្រុងខាងស្តាំផ្នែកខាងក្រោមនៃផ្ទាំងរុករករបស់លោកអ្នក។
• មិនត្រូវឱ្យលេខកាតរបស់លោកអ្នកទៅមនុស្សដែលមិនគួរជឿទុកចិត្ត ឬអ្នក ផ្សព្វផ្សាយទីផ្សារតាមទូរស័ព្ទដែលទូរស័ព្ទមកកាន់លោកអ្នក។ មិនត្រូវឱ្យលេខកាតរបស់លោកអ្នកតាមការស្នើសុំឡើយ លើកលែងតែលោកអ្នកជាអ្នកទូរស័ព្ទទៅមុន។

ត្រឡប់ទៅផែ្នកខាងលើ

ការលួចបន្លំមូលប្បទានប័ត្រ

និយមន័យៈ

ការក្លែងបន្លំមូលប្បទានប័ត្រគឺជាការប្រើមូលប្បទានប័ត្រដើម្បីកេងយក ផលចំណេញហិរញ្ញវត្ថុដោយ ៖

• កែប្រែមូលប្បទានប័ត្រ (ឈ្មោះអ្នកទទួល/ចំនួនទឹកប្រាក់) ដោយគ្មានការ អនុញ្ញាតត្រឹមត្រូវ។
• ការលួចយកមូលប្បទានប័ត្រស្របច្បាប់ និងការកែបន្លំ ឬកែប្រែនាពេលបន្ទាប់។
• ការក្លែងបន្លំធ្វើមូលប្បទានប័ត្រក្លែងក្លាយ។
• ការប្រើប្រាស់វិក្កយបត្រក្លែងក្លាយដើម្បីរៃអង្គាសមូលប្បទានប័ត្រស្របច្បាប់។
• ការដាក់ប្រាក់បញ្ញើជាមូលប្បទានប័ត្រទៅក្នុងគណនីភាគីទីបីដោយគ្មាន ការអនុញ្ញាត។
• ការដាក់ប្រាក់បញ្ញើជាមូលប្បទានប័ត្រដើម្បីទូទាត់ការចំណាយណាមួយ ដោយដឹងថាមូលប្បទានប័ត្រនោះមិនមានសាច់ប្រាក់គ្រប់គ្រាន់នៅក្នុងគណនី។

ការក្លែងបន្លំមូលប្បទានប័ត្រអាចត្រូវបានធ្វើឡើងចំពោះគណនីរបស់ លោកអ្នកដោយភាគីនៅផ្នែកខាងក្នុង និងផ្នែកខាងក្រៅ។

វិធីការពារខ្លួនលោកអ្នកពីការក្លែងបន្លំមូលប្បទានប័ត្រ

ធ្វើការកែសម្រួលគណនីរបស់លោកអ្នក

• លោកអ្នកត្រូវបានតម្រូវឱ្យធ្វើការកែសម្រួលគណនីរបស់លោកអ្នកឱ្យបាន ទៀងទាត់។ ចំពោះគណនីក្រុមហ៊ុន លោកអ្នកត្រូវប្រាកដថា មានការត្រួត ពិនិត្យពីមនុស្សឯករាជ្យក្នុងក្រុមអ្នកគ្រប់គ្រង។
• ចំពោះគណនីក្រុមហ៊ុន ត្រូវបែងចែកដាច់ដោយឡែកពីគ្នារវាងអ្នកសរសេរមូលប្បទានបត្រ័ /អ្នក ធ្វើការទូទាត់អេឡិចត្រូនិក និងអ្នកដែលធ្វើរបាយការណ៍កែសម្រួលគណនី។
• ប្រសិនបើលោកអ្នកមានគណនីក្រុមហ៊ុន សូមពិចារណាលើការបើកគណនី ផ្សេងគ្នាសម្រាប់មូលប្បទានប័ត្រដែលមានតម្លៃខ្ពស់។ ដូច្នេះ លោកអ្នកងាយ ស្រួលក្នុងការត្រួតពិនិត្យ។
• ធ្វើការកែសម្រួលគណនីរបស់លោកអ្នក

ការចុះហត្ថលេខាលើមូលប្បទានប័ត្រ

• មិនត្រូវចុះហត្ថលេខាលើមូលប្បទានប័ត្រទំនេរដែលមិនទាន់សរសេរឡើយ។ ត្រូវចុះហត្ថលេខាតែលើមូលប្បទានប័ត្រណាដែលបានសរសេរបំពេញ ព័ត៌មានត្រឹមត្រូវ។
• ត្រូវកំណត់ចំនួនអ្នកចុះហត្ថលេខាទាក់ទងនឹងគណនីរបស់លោកអ្នក ដើម្បីងាយស្រួលគ្រប់គ្រង។
• ត្រូវពិនិត្យមើលសិទ្ធិប្រើគណនីឱ្យបានទៀងទាត់។
• ត្រូវពិចារណាចំពោះគោលការណ៍ “ហត្ថលេខាពីរនាក់”។
• ត្រូវប្រាកដថាហត្ថលេខារបស់លោកអ្នកគឺជាហត្ថលេខាដែលមិនមានប្រើ នៅក្នុងឯកសារណាមួយដែលសាធារណៈជនអាចមើលបាន។

ការរៀបចំ

• ត្រូវរក្សាមូលប្បទានប័ត្រឱ្យមានសុវត្ថិភាពនៅពេលលោកអ្នកមិនប្រើប្រាស់ ដើម្បីការពារចោរលួច។
• មូលប្បទានប័ត្រត្រូវតែបំពេញព័ត៌មានឱ្យពេញលេញដើម្បីការពារការលួច កែបន្លំ។
• ត្រូវប្រាកដថាលោកអ្នកប្រើអក្សរដិតច្បាស់ដូចៗគ្នារៀងរាល់ពេល។
• មិនត្រូវទុកឱ្យមានចន្លោះឡើយនៅពេលបំពេញឈ្មោះអ្នកទទួលប្រាក់ ចំនួនទឹកប្រាក់ជាលេខ និងអក្សរ។
• មិនត្រូវសរសេរឈ្មោះអ្នកទទួលប្រាក់ជាអក្សរកាត់ឡើយ។
• ត្រូវប្រើតែប៊ីកដែលមានទឹកជាប់ល្អ (ជាទូទៅសូមប្រើពណ៌ខ្មៅ)។

ការស្នើសុំមូលប្បទានប័ត្របន្ថែម និងការថែរក្សា

• ប្រសិនបើមូលប្បទានប័ត្រត្រូវបានចោរលួច ឬបាត់បង់ សូមទាក់ទងមក ធនាគារ ANZ Royal ជាបន្ទាន់ និងស្នើសុំជំនួយ “បញ្ឈប់ការទូទាត់”។
• ជូនដំណឹងមកធនាគារ ANZ Royal ប្រសិនបើលោកអ្នកមិនបានទទួលសៀវភៅមូលប្បទានប័ត្រដែលលោកអ្នកស្នើសុំ។

ការទូទាត់

• ត្រូវប្រាកដថាវិក្កយបត្រដែលលោកអ្នកត្រូវទូទាត់គឺមានសុពលភាព ត្រឹមត្រូវ។
• ត្រូវធ្វើការកំណត់ចំណាំឱ្យបានត្រឹមត្រូវរាល់វិក្កយបត្រទាំងឡាយណាដែល លោកអ្នកបានទូទាត់ហើយ។
• ត្រូវពិចារណាប្រើប្រាស់ការទូទាត់អេឡិចត្រូនិក (ប្រសិនបើអាចធ្វើបាន) សម្រាប់ការទូទាត់ណាដែលមានចំនួនទឹកប្រាក់ខ្ពស់។

ការការពារមូលប្បទានប័ត្រ

• មិនត្រូវផ្ញើមូលប្បទានប័ត្រដែលមានចំនួនទឹកប្រាក់ច្រើនតាមអ្នករត់សំបុត្រឡើយ។
• មិនត្រូវផ្ញើមូលប្បទានប័ត្រដោយដាក់ក្នុងប្រអប់សំបុត្រដែលអាចមើល ឃើញឡើយ។
• ត្រូវប្រាកដថាប្រអប់សំបុត្ររបស់លោកអ្នកមានសុវត្ថិភាពគ្រប់គ្រាន់ក្នុងការ រក្សាមូលប្បទានប័ត្រដែលផ្ញើមក។
• មិនត្រូវផ្តល់ព័ត៌មានលម្អិតរបស់លោកអ្នកឱ្យទៅភាគីខាងក្រៅឡើយ។

តើត្រូវធ្វើដូចម្តេចប្រសិនបើលោកអ្នកសង្ស័យថាលោកអ្នកជាជនរងគ្រោះ ដោយសារការលួចបន្លំមូលប្បទានប័ត្រ?

ប្រសិនបើលោកអ្នកសង្ស័យថា លោកអ្នកគឺជាជនរងគ្រោះដោយសារការ លួចបន្លំមូលប្បទានប័ត្រ ឬប្រសិនបើលោកអ្នករកឃើញភាពមិនប្រក្រតី ណាមួយនៅពេលធ្វើការកែសម្រួលកំណត់ត្រាគណនី លោកអ្នកត្រូវទាក់ទង មកធនាគារ ANZ Royal ជាបន្ទាន់។

ល័ក្ខខ័ណ្ឌ និងអត្ថបទទាក់ទងនឹងផលិតផល

ពិតជាមានសារៈសំខាន់ណាស់ដែលលោកអ្នកត្រូវដឹងពីសិទ្ធិ និងការទទួល ខុសត្រូវរបស់លោកអ្នកទាក់ទងនឹងគណនីរបស់លោកអ្នក។ ព័ត៌មានបន្ថែម សូមពិនិត្យមើលល័ក្ខខ័ណ្ឌ ឬអត្ថបទទាក់ទងនឹងផលិតផលនីមួយៗ (ប្រទេសនីមួយៗត្រូវបញ្ជាក់ប្រាប់ និងផ្តល់នូវល័ក្ខខ័ណ្ឌ ឬអត្ថបទទាក់ទងនានា)។

ត្រឡប់ទៅផែ្នកខាងលើ